Үстіміздегі жылдың 14-ші маусымы күні Қызылорда қаласындағы «Сыр еркесі» балабақшасында Қызылорда облыстық оқу орталығының ұйымдастыруымен «Мәңгілік ел» жалпыұлттық идеясының құндылықтары – «Қазақстандық партриотизм негізі» тақырыбында өткізілген шығармашылық апталықтың қорытындысы бойынша облыстық кезеңге ұсынылған үздік жұмысты анықтау семинары өткізілді. Семинар бірнеше бөлім төңірегінде жазғы сауықтыру шараларының тиімді ұйымдастырылуымен бастау алды. «Сыр еркесі» балабақшасының тәрбиеленушілері таза ауада шынықтыру шараларының бірнеше түрін өз деңгейінде орындап, көрсетті. Сонымен қатар, аталмыш балабақшаның топ тәрбиешілері жазғы уақыттағы ойын түрінде ұйымдастырылатын оқу қызмет түрлерін, үйірме жұмыстарын да көпшілік назарына ұсынды. «Мәңгілік ел» идеясы аясында балабақша меңгерушілері, тәрбиешілері өз жұмыстарын ортаға паш етті. Көрмелер ұйымдастырылып, әрбір көрме жұмыстары таныстырылды.
Бірнеше айға созылған таңдалынып алынған аудан бойынша үздік жұмыстар қорытындысы соңы іріктелініліп, марапаттаулармен жалғасын тапты.
Облыстық шығармашылық апталықта денсаулық сақтау технологиясы бойынша үздік бірлескен іс-шара барысында «Айналайын бөбекжайы» КМҚК дене шынықтыру нұсқаушысы Молдахметова Гүлнар мен медбике Рүстемова Әлия тәрбиеші Тоқсанбаева Айгерім облыстық шығармашылық апталықта «Мәңгілік ел» жалпыұлттық идеясының құндылықтары – «Қазақстандық партриотизм негізі» тақырыбы аясында инновациялық идеялар негізі бойынша үздік жұмыс ретінде танылып, арнайы сертификатпен марапатталды. Барлық қатысушыларға алғыс білдірумен облыстық семинар өз жұмысын аяқтады.
